Արգանդի միոմա
Միոման բարորակ ուռուցք է, որը զարգանում է հարթ մկանային բջիջներից՝ հիմնականում արգանդի մարմնի կամ պարանոցի շրջանում։ Միոման չարորակ չէ և հազվադեպ է վերածվում սարկոմայի։
Միոմայի առաջացման պատճառներն ու ռիսկի գործոնները
- Ժառանգական հակում
- Վաղ մենարխե, ուշ մենոպաուզա
- Գերքաշություն, մետաբոլիկ խանգարումներ
- Հղիությունների և ծննդաբերությունների բացակայություն
- Էստրոգենային գերզգայունություն
- Քրոնիկական սթրես
- Էնդոկրին խանգարումներ (օր.՝ վահանաձև գեղձի հիվանդություններ)
Միոման մոնոկլոնալ ուռուցք է՝ կապված MED12 գենի մուտացիաների և անգիոգենեզի խանգարման հետ։
Միոմայի տեսակներն ու դասակարգումը
Արգանդի միոմայի բնութագրման համար օգտագործվում է FIGO դասակարգումը․
Սուբմուկոզ (0–2 տիպեր)
- Տիպ 0 — սուբմուկոզ, ամբողջությամբ արգանդի խոռոչում
- Տիպ 1 — <50% ինտրամուրալ բաղադրիչ
- Տիպ 2 — >50% ինտրամուրալ բաղադրիչ
Ինտրամուրալ / Ինտերստիցիալ (3–4 տիպեր)
- Տիպ 3 — շփում է ունենում էնդոմետրիումի հետ, ամբողջությամբ ինտրամուրալ հանգույց
- Տիպ 4 — ինտրամուրալ
Սուբսերոզ (5–7 տիպեր)
- Տիպ 5 — սուբսերոզ >50% ինտրամուրալ բաղադրիչով
- Տիպ 6 — սուբսերոզ <50% ինտրամուրալ բաղադրիչով
- Տիպ 7 — սուբսերոզ «ոտիկի վրա»
Տիպ 8 — այլ լոկալիզացիաներ, որոնք կապ չունեն միոմետրիումի հետ. օրինակ՝ արգանդի վզիկի, կլոր կապանների, լայն կապանների միոմաներ։
Միոմատոզ հանգույցները կարող են լինել տարբեր չափերի՝ սկսած մինչև 1 սմ փոքր հանգույցներից մինչև 20–30 սմ հսկայական չափերի։
Արգանդի միոմայի հիմնական ախտանշանները
- Ախտանշանների բացակայություն — կանանց մեծամասնության մոտ միոման ընթանում է ասիմպտոմատիկ, սովորաբար հայտնաբերվում է պատահական՝ ՈՒՁՀ-ի միջոցով
- Դաշտանային ցիկլի խանգարում՝ ավելի հաճախ՝ առատ, երկարատև դաշտաններ
- Միջդաշտանային արյունային արտադրություն
- Ստորին որովայնի ցավ
- Ցավ սեռական ակտի ընթացքում
- Հարևան օրգանների ֆունկցիայի խանգարում՝
o Միզապարկի սեղմում → հաճախակի միզարձակման ցանկություն
o Աղիների սեղմում → փորկապություն - Անիրադարձություն, հղիության բացթողում
Միոմայի ախտորոշումը
Արգանդի միոմայի ախտորոշումը սովորաբար դժվարություն չի առաջացնում․
- Բժիշկը կարող է կասկածել հանգույցների առկայությանը գինեկոլոգիական զննման ժամանակ
- ՈՒլտրաձայնային հետազոտություն (ՈՒՁՀ) — ախտորոշման «ոսկե ստանդարտ»։ Կիրառվում է տրանսվագինալ կամ տրանսաբդոմինալ սոնդ
- Հիստերոսկոպիա — սուբմուկոզ հանգույցների հայտնաբերման համար
- Մագնիսառեզոնանսային տոմոգրաֆիա (ՄՌՏ) — բարդ դեպքերում կամ վիրահատական պատրաստության փուլում
Արգանդի միոմայի բուժումը
Միոմայի բուժման մոտեցումը ընտրվում է անհատական կերպով՝ բժիշկ-գինեկոլոգի կողմից։ Այն կախված է՝
- Հանգույցների տեղակայումից և չափերից
- Ախտանիշների առկայությունից
- Պացիենտի տարիքից
- Վերարտադրողական պլաններից
Պահպանողական բուժում
- Դիտում
- Դեղորայքային թերապիա
Վիրահատական բուժում
- Միոմէկտոմիա — օրգանախնայող վիրահատություն
- Հիստերէկտոմիա — արգանդի հեռացում
- Արգանդային զարկերակների էմբոլիզացիա (ԷՄԱ)
- Ֆոկուսացված ուլտրաձայնային աբլյացիա (ՖՈՒԶ-աբլյացիա)
Միոմայի առաջացրած բարդությունները և կանխարգելումը
Բարդություններ՝
- Սակավարյունություն
- Հարևան օրգանների ֆունկցիայի խանգարում
- Վերարտադրողական խնդիրներ
- Սուբսերոզ հանգույցի ոտիկի ոլորում
- Միոմատոզ հանգույցի նեկրոզ
Կանխարգելում՝
- Փոքր կոնքի օրգանների պարբերական ՈՒՁՀ
- Հորմոնալ հավասարակշռության վերահսկում
- Մարմնի քաշի հսկողություն
Միոման և հղիությունը
Միոման միշտ չէ, որ բարդություններ է առաջացնում հղիության ընթացքում։ Ամեն ինչ կախված է հանգույցների չափերից և տեղակայությունից։ Սուբմուկոզ միոմաները կարող են խանգարել սաղմի իմպլանտացիային և նվազեցնել բեղմնավորման հավանականությունը։ Փոքր ինտրամուրալ կամ սուբսերոզ հանգույցների դեպքում հղիությունը հաճախ ինքնաբուխ է տեղի ունենում։ Միոմատոզ հանգույցները կարող են բարձրացնել վիժման, վաղաժամ ծննդաբերության ռիսկը։ Բժշկական հսկողության պայմաններում կանանց մեծ մասը բարեհաջող հղիություն է ունենում։
Երբ դիմել բժշկի
- Առատ կամ անկանոն դաշտաններ
- Ստորին որովայնի ցավ
- Հղիության դժվարություններ
- Որովայնի մեծացում
- Արգանդի միոմայի ախտորոշում՝ բուժման մարտավարության ճշգրտման նպատակով