Չեքափ փաթեթներ
Առողջության համալիր բուժզննման կամ ինչպես ընդունված է ասել՝ բժշկական չեքափ ծրագրերը նախատեսված են առողջության ընդհանուր գնահատման, հիվանդությունների վաղ հայտնաբերման և կանխարգելման համար։
Պարբերաբար անցկացվող բժշկական հետազոտությունները կարևոր դեր են խաղում առողջության պահպանման և հնարավոր ռիսկերի ժամանակին բացահայտման գործում, քանի որ շատ հիվանդություններ երկար ժամանակ կարող են ընթանալ առանց արտահայտված ախտանշանների:
ՎիտաՄեդ բժշկական կենտրոնն առաջարկում է բժշկական չեքափ փաթեթներ՝ մշակված տարբեր սեռերի, տարիքային խմբերի, առողջական վիճակների և անհատական կարիքների համար։ Փաթեթները ներառում են մասնագետների խորհրդատվություններ, լաբորատոր հետազոտություններ, ուլտրաձայնային ախտորոշում, սրտաբանական, էնդոկրինոլոգիական և այլ անհրաժեշտ հետազոտություններ՝ ապահովելով օրգանիզմի համապարփակ գնահատում։
Բժշկական չեքափ հետազոտությունները հատկապես խորհուրդ են տրվում ակտիվ աշխատանքային գրաֆիկ ունեցող անձանց, 40 տարեկանից բարձր մարդկանց, քրոնիկական հիվանդությունների ռիսկ ունեցող բուժառուներին, ինչպես նաև բոլոր նրանց, ովքեր ցանկանում են վերահսկել իրենց առողջական վիճակը և կանխել հնարավոր բարդությունները։
Մեր նպատակն է յուրաքանչյուր այցելուի տրամադրել արագ, հարմարավետ և արդյունավետ ախտորոշում՝ մեկ վայրում համատեղելով ժամանակակից սարքավորումները, փորձառու մասնագետների աշխատանքը և անհատական մոտեցումը։ Չեքափ փաթեթները հնարավորություն են տալիս ստանալ առողջության ամբողջական պատկեր և վստահ լինել, որ Ձեր օրգանիզմը գտնվում է մասնագիտական վերահսկողության ներքո։