Սպորտային բժշկություն

Առողջ շարժման, արդյունավետ մարզումների և անվտանգ վերականգնման համար

Սպորտային բժշկությունն զբաղվում է ֆիզիկական ակտիվությամբ զբաղվող մարդկանց առողջության պահպանմամբ, մարզական ծանրաբեռնվածության ազդեցության գնահատմամբ, վնասվածքների կանխարգելմամբ և վերականգնմամբ։ Անկախ նրանից՝ պրոֆեսիոնալ մարզիկ եք, զբաղվում եք սիրողական սպորտային մարզաձևերով կամ պարզապես ակտիվ կենսակերպ եք վարում, սպորտային բժշկի խորհրդատվությունը կօգնի անվտանգ մարզվել և բարձրացնել ֆիզիկական արդյունավետությունը։

ՎիտաՄեդ բժշկական կենտրոնում սպորտային բժշկության ծառայությունները ներառում են առողջական վիճակի համալիր գնահատում, անհատական խորհրդատվություն և անհրաժեշտության դեպքում՝ հետագա ախտորոշման ու բուժման պլանավորում։

Ի՞նչ է ներառում սպորտային բժշկության ծառայությունը

Սպորտային բժշկության շրջանակում իրականացվում է՝

• Սպորտային բժշկի խորհրդատվություն.
• Առողջական և ֆիզիկական վիճակի գնահատում.
• Մարզական ծանրաբեռնվածության հանդուրժողականության գնահատում.
• Վնասվածքների և գերծանրաբեռնվածության ռիսկերի գնահատում.
• Մարզումներին անվտանգ վերադառնալու պլանավորում.
• Ֆիզիկական ակտիվության վերաբերյալ անհատական խորհուրդներ.
• Անհրաժեշտության դեպքում՝ լաբորատոր և գործիքային հետազոտությունների նշանակում։

Ե՞րբ դիմել սպորտային բժշկի

Խորհուրդ է տրվում դիմել, եթե՝

• Պատրաստվում եք սկսել ինտենսիվ մարզումներ.
• Զբաղվում եք որևէ սպորտային մարզաձևով.
• Ունեք ցավեր կամ անհարմարություն մարզումների ընթացքում.
• Ստացել եք մարզական վնասվածք.
• Ցանկանում եք վերադառնալ մարզումներին վնասվածքից կամ վիրահատությունից հետո.
• Անհրաժեշտ է գնահատել առողջական վիճակը մրցումներից առաջ.
• Երեխան կամ դեռահասը զբաղվում է սպորտային մարմնամարզությամբ կամ այլ ակտիվ մարզաձևերով։

Ինչպե՞ս է անցնում խորհրդատվությունը

Խորհրդատվության ընթացքում սպորտային բժիշկը գնահատում է.

• Առողջական պատմությունը,
• Մարզական ակտիվության բնույթն ու ինտենսիվությունը,
• Նախկին վնասվածքները,
• Հենաշարժական համակարգի վիճակը,
• Ֆիզիկական ակտիվության հետ կապված գանգատները։

Անհրաժեշտության դեպքում նշանակվում են լրացուցիչ հետազոտություններ կամ կազմվում է անհատական բուժման և վերականգնման ծրագիր։ Որոշ դեպքերում բուժառուն կարող է ուղղորդվել համապատասխան մասնագետների՝ օրթոպեդ-վնասվածքաբանի, ռևմատոլոգի, նյարդաբանի, սրտաբանի կամ ֆիզիկական վերականգնման մասնագետի մոտ։

Ինչու՞ ընտրել ՎիտաՄեդ բժշկական կենտրոնը

ՎիտաՄեդ բժշկական կենտրոնում սպորտային բժշկության ծառայությունները հիմնված են բազմամասնագիտական մոտեցման վրա։ Անհրաժեշտության դեպքում սպորտային բժիշկը համագործակցում է սրտաբանների, նյարդաբանների, ռևմատոլոգների, օրթոպեդ-վնասվածքաբանների և այլ մասնագետների հետ՝ ապահովելով յուրաքանչյուր պացիենտի համալիր գնահատումն ու բուժումը։

Հաճախ տրվող հարցեր

Գրանցվել այցի

Անկախ նրանից՝ նոր եք սկսում մարզվել, զբաղվում եք սպորտով սիրողական կամ պրոֆեսիոնալ մակարդակում, թե ցանկանում եք անվտանգ վերադառնալ ֆիզիկական ակտիվությանը վնասվածքից հետո, սպորտային բժշկի խորհրդատվությունը կօգնի մարզվել վստահ և առողջ։

Ամրագրե՛ք սպորտային բժշկի խորհրդատվություն ՎիտաՄեդ բժշկական կենտրոնում։