Ամբուլատոր ճնշաչափում
Զարկերակային ճնշման շուրջօրա չափում` զարկերակային հիպերտենզիա ախտորոշումը հաստատելու, բարձր ճնշումը իջեցնող դեղորայք նշանակելու համար:
Ամբուլատոր ճնշաչափում 24 ժամ
Զարկերակային ճնշման 24-ժամյա ամբուլատոր մոնիթորինգը հետազոտության տեսակ է, որը չափում է զարկերակային ճնշումը 24 ժամվա ընթացքում, անկախ բուժառուի արթուն կամ քնած լինելուց։
Զարկերակային ճնշման 24-ժամյա ամբուլատոր մոնիթորը չափում է զարկերակային ճնշումը ամեն 15-30 րոպեն մեկ՝ ցերեկային ժամերին, և 60 րոպեն մեկ՝ գիշերային ժամերին։
rnՀետազոտության առավելություններից է այն, որ չափում է զարկերակային ճնշումը առօրյա ակտիվության ընթացքում։
Ե՞րբ է կիրառվում զարկերակային ճնշման 24-ժամյա ամբուլատոր մոնիթորինգը
Զարկերակային ճնշման շուրջօրա չափումը կիրավում է՝
- Հաստատելու համար զարկերակային հիպերտենզիա ախտորոշումը
- Տեսնելու համար, թե ինչպես է փոխվում զարկերակային ճնշումը առօրյա ակտիվության և քնի ժամանակ
- Գնահատելու համար զարկերակային հիպերտենզիայի բուժման նպատակով նշանակված դեղորայքի արդյունավերտությունը
Ովքե՞ր կարիք ունեն զարկերակային ճնշման 24-ժամյա ամբուլատոր մոնիթորինգի
- Բուժառուները, ովքեր ունեն բարձր զարկերակային ճնշման թվեր բժշկական կենտրոնում, սակայն չեն օգտագործում դեղորայք
- Բուժառուները, ովքեր կարիք ունեն դեղորայքի փոփոխման
- Ովքեր օգտագործում են դեղորայք, սակայն շարունակում են ունենալ բարձր զարկերակային ճնշում
- Օգտագործում են դեղորայքային թերապիա, որը կարող է բարձրացնել զարկերակային ճնշումը
- Ունեն բարձր զարկերակային ճնշում հղիության ընթացքում
Հետազոտության ընթացքում պետք է խուսափել՝
- Ակտիվ կամ ծանր ֆիզիկական աշխատանքից.
- Սարքը թրջելուց (լողանալ, լողալ).
- Սարքն անջատելուց, կամ որևէ հատված առանց բժշկին տեղյակ պահելու հանելուց:
