Ստորին վերջույթների և պարանոցի անոթների դուպլեքս հետազոտություն տանը

Եթե Դուք կամ Ձեր հարազատը ունեք տեղաշարժի սահմանափակում, ապա  կարող եք օգտվել դուպլեքս հետազոտությունից Ձեր իսկ տանը։ ՎիտաՄեդ բժշկական կենտրոնի փորձառու բժիշկ-ռադիոլոգը կմոտենա բարձրակարգ սարքավորումներով և կիրականացնի ստորին վերջույթների (ոտքերի) և գլխի ու պարանոցի անոթների դուպլեքս հետազոտություն տնային պայմաններում: 

Հետազոտվող օրգանները

Ստորին վերջույթների դուպլեքս հետազոտությունը ներառում է ազդրային, ծնկափոսային, սրունքային երակները և զարկերակները, գնահատվում է երակներում հետհոսքի առկայությունը կամ բացակայությունը:

Պարանոցի անոթների դուպլեքս հետազոտությունը ներառում է բրախիցեֆալ ցողունը, ենթանրակային զարկերակները, ընդհանուր քնային զարկերակները, արտաքին և ներքին քնային զարկերակները, լծային երակները: Որոշ դեպքերում անհրաժեշտ է նաև հետազոտել միջին ուղեղային զարկերակը: Այս հետազոտությունը հնարավորություն է տալիս գնահատել արյան հոսքը, ստուգել արյունատար անոթների անցանելիությունը, ինչպես նաև աթերոսկլերոտիկ վահանիկների առկայության դեպքում դրանց կառուցվածքը:

Ոտքերի դուպլեքս հետազոտության ցուցումները

Հետազոտության ցուցումները ներառում են, սակայն չեն սահմանափակում, հետևյալը.

• Ցավ ստորին վերջույթների ցանկացած հատվածում
• Շոշափվող գոյացություններ կամ պնդացումներ ոտքերի հատուկ հատվածներում
• Վիզուալ տեսանելի երակային հանգույցներ
• Մկանային ցավեր քայլելու ընթացքում՝ 10 մետր, 50 մետր, 100 մետր
• Այլ ախտանիշներ, ինչպիսիք են՝ կարմրություն, այրոցը, մրմռոցը ոտքերի տարբեր հատվածներում

Գլխի և պարանոցի անոթների դուպլեքս հետազոտության ցուցումները

Հետազոտության ցուցումները ներառում են, սակայն չեն սահմանափակում, հետևյալը.

• Ցավ կամ անհարմարություն պարանոցի տարածքում
• Գոյացության շոշափում պարանոցի շրջանում
• Հաճախակի գլխացավեր կամ գլխապտույտ
• Խշշոց ականջներում
• Կոորդինացիայի խանգարում
• Հանկարծակի այտուցի պարանոցի շրջանում
• Իշեմիկ ինսուլտից հետո՝ պարբերաբար
• Պլանային կարգով և անկախ պատճառներից:

Դուպլեքս հետազոտության նախապատրաստումը

Դուպլեքս հետազոտության համար հատուկ նախապատրաստման պահանջներ չկան, սակայն ցանկալի է, որ պացիենտները լինեն հանգիստ վիճակում:

Գնացուցակ

Ստորին վերջույթների  անոթների դուպլեքսը տնային պայմաններում արժե 25000 դրամ: 

Պարանոցի անոթների դուպլեքսը տնային պայմաններում  արժե 25000 դրամ:

Բժիշկներ