Գաստրոէնտերոլոգի օնլայն խորհրդատվություն
Ստացեք մասնագիտական խորհրդատվություն՝ որտեղ էլ որ գտնվեք
Մարսողական համակարգի բազմաթիվ խնդիրներ հնարավոր է նախնական գնահատել և քննարկել առանց կլինիկա այցելելու։ Եթե ձեզ անհանգստացնում են այրոցը, փքվածությունը, ստամոքսի ցավերը, մարսողության խանգարումները և այլ ախտանշաններ, կարող եք ստանալ գաստրոէնտերոլոգի մասնագիտական խորհրդատվություն առցանց ձևաչափով։
ՎիտաՄեդ բժշկական կենտրոնի գաստրոէնտերոլոգի օնլայն խորհրդատվությունը հնարավորություն է տալիս քննարկել ձեր գանգատները, ներկայացնել արդեն կատարված անալիզների կամ հետազոտությունների արդյունքները, ստանալ երկրորդ կարծիք կամ որոշել հետագա ախտորոշման և բուժման քայլերը։
Ի՞նչ է ներառում օնլայն խորհրդատվությունը
Օնլայն այցի ընթացքում գաստրոէնտերոլոգը՝
- Ուսումնասիրում է ձեր գանգատներն ու հիվանդության պատմությունը,
- Վերլուծում է նախկին անալիզների և հետազոտությունների արդյունքները,
- Գնահատում է լրացուցիչ հետազոտությունների անհրաժեշտությունը,
- Տալիս է սննդակարգի և կենսակերպի վերաբերյալ խորհուրդներ,
- Կազմում է հետագա բուժման կամ հսկման պլան։
Խորհրդատվության ընթացքում կարող են քննարկվել նաև գաստրիտը, գաստրոէզոֆագիալ ռեֆլյուքսը, հելիկոբակտեր վարակի հետ կապված խնդիրները, աղիքային ֆունկցիոնալ խանգարումները և այլ գաստրոէնտերոլոգիական հիվանդություններ։
Ո՞ր դեպքերում է օնլայն խորհրդատվությունը հատկապես հարմար
Գաստրոէնտերոլոգի օնլայն խորհրդատվությունը կարող է օգտակար լինել, եթե՝
- Ունեք նախնական գանգատներ և ցանկանում եք հասկանալ հետագա քայլերը,
- Արդեն կատարել եք անալիզներ կամ հետազոտություններ և ցանկանում եք ունենալ դրանց մեկնաբանությունը,
- Անցնում եք բուժում և անհրաժեշտ է վերահսկողական այց,
- Բնակվում եք այլ քաղաքում կամ արտերկրում,
- Ցանկանում եք ստանալ երկրորդ մասնագիտական կարծիք։
Գաստրոէնտերոլոգի օնլայն խորհրդատվության արժեքը 10.000 դրամ է, որը ներառում է առցանց խորհրդատվություն, բուժման նշանակում և մեկ կրկնակի խորհրդատվություն 10 օրվա ընթացքում
Ե՞րբ է անհրաժեշտ այցելել կլինիկա
Որոշ դեպքերում օնլայն խորհրդատվությունից հետո բժիշկը կարող է խորհուրդ տալ ներկայանալ կլինիկա՝ ֆիզիկական զննման կամ լրացուցիչ հետազոտությունների համար։
Մասնավորապես, դա կարող է անհրաժեշտ լինել գաստրոսկոպիայի, կոլոնոսկոպիայի, շնչառական թեստերի կամ այլ գործիքային հետազոտությունների ցուցումների դեպքում։
Ինչո՞ւ ընտրել ՎիտաՄեդի գաստրոէնտերոլոգիական ծառայությունը
ՎիտաՄեդ բժշկական կենտրոնի գաստրոէնտերոլոգները տրամադրում են օնլայն խորհրդատվություններ՝ պահպանելով նույն մասնագիտական մոտեցումը, որն ապահովվում է առերես այցերի ընթացքում։
Դուք կարող եք ստանալ որակյալ բժշկական խորհրդատվություն, ներկայացնել ձեր հետազոտությունների արդյունքները և ստանալ անհատական առաջարկություններ՝ անկախ ձեր գտնվելու վայրից։
Գրանցվել այցի
Եթե ձեզ անհանգստացնում են մարսողական համակարգի հետ կապված գանգատները կամ ցանկանում եք քննարկել արդեն կատարված հետազոտությունների արդյունքները, գաստրոէնտերոլոգի օնլայն խորհրդատվությունը կարող է դառնալ առաջին հարմար և արագ քայլը դեպի խնդրի լուծում։
