Կրծքագեղձերի սոնոգրաֆիա

Կրծքագեղձի ՈՒՁՀ (ուլտրաձայնային հետազոտություն, սոնոգրաֆիա)

Կրծքագեղձերի սոնոգրաֆիկ հետազոտությունը ներառում է զույգ կրծքագեղձերը, հարակից փափուկ հյուսվածքները, անութափոսերը, վեր և ստորանրակային ավշային հանգույցների մանրակրկիտ հետազոտումը, որ իրականացվում է փորձառու ՈՒՁՀ մասնագետի (բժիշկ-ռադիոլոգ) կողմից՝ ժամանակակից և էքսպերտային սարքով:

Տևողությունը: Հետազոտությունը տևում է 20-40 րոպե: Պացիենտները պետք է նախապես գրանցվեն, որպեսզի կարողանան ստանալ ծառայությունը առանց սպասելու:

Սոնոգրաֆիայի եզրակացության տրամադրման ձևը: Հետազոտության արդյունքները, ներառյալ նկարները և դրանց մեկնաբանությունները, կարելի է ստանալ թղթային կամ էլեկտրոնային ձևով՝ հայերեն կամ ռուսերեն լեզվով՝ ըստ պացիենտի ընտրության:

Սոնոգրաֆիայի նախապատրաստումը: Հետազոտման համար հատուկ նախապայմաններ առկա չեն, սակայն չպլանավորված դեպքում, օրինակ՝ կրծքագեղձերի շրջանում սուր առաջացած ցավերի առկայության դեպքում, կարելի է ներկայանալ արտահերթ, և սոնոգրաֆիան կիրականացվի առանց հերթի՝ հնարավորինս քիչ սպասելով:

Երբ կատարել կրծքագեղձերի սոնոգրաֆիա, ուլտրաձայնային կամ ռենտգեն մամոգրաֆիկ հետազոտություններ․

• Կրծքագեղձերի և թևատակերի գոյացությունների, պնդացած տեղամասերի շոշափման, ցանկացած տիպի դիսկոմֆորտի, օրինակ՝ այրոց, մրմռոց, ծակոցներ և ցավի զգացում
• Մաշկի փոփոխության
• Պտուկի ներքաշման
• Պտուկից արտադրության
• Ընտանեկան ծանրացած անմանեզի և նախկինում նկարագրված գոյացությունների դեպքերում։

Հետագա բուժման տեսակներից՝ ավելի ճիշտ և արդյունավետ են պրոֆիլակտիկ հետազոտությունները։

Բազմաթիվ աշխատանքներով ապացուցված է, որ պրոֆիլակտիկ հետազոտություններով հայտնաբերված քաղցկեղների մեծ մասը լինում են առաջին կամ երկրորդ փուլերում, որոնց դեպքում կանանց 5 և ավելի տարի ապրելու հավանականությունը հասնում է 98 և 90% համապատասխանաբար։ Որպեսզի պարզ լինի՝ խոսենք թվերով․ Առաջին փուլում հայտնաբերված քաղցկեղով 100 կնոջից 5 և ավելի տարի կապրի 98-ը, երկրորդ փուլում՝ 90-ը, երրորդ փուլում՝ 70-ը, չորրորդ փուլում միայն 25-ը։ Եզրակացությունը ակնհայտ է։ Եվ մեր հետազատության հիմնական նպատակը հենց քաղցկեղների հայտնաբերումն է։

Իսկ ո՞ր դեպքում անցնել ուլտրաձայնային, որ դեպքում՝ ռենտգեն մամոգրաֆիկ հետազոտություն

• 40 տարեկանից ցածր կանայք և աղջիկները կրծքագեղձերի հետազոտությունը պետք է սկսեն ՈՒՁ մեթոդով, կրծքագեղձերի կառուցվածքից և չափերից կախված՝ երբեմն պետք է լինում նաև կատարել մամոգրաֆիկ հետազոտություն։
• 40 տարեկանից բարձր կանայք պետք է սկսեն ռենտգեն մամոգրաֆիայով, իսկ անհրաժեշտության դեպքում, ռադիոլոգի խորհրդով, անցնեն նաև ՈՒՁՀ։

Կարևոր է նշել, որ ուլտրաձայնային հետազոտության արդյունքները խիստ կախված են ռադիոլոգի գործիքներից, ուշադրությունից և սարքի տեսակից։ Անհրաժեշտ է կրծքագեղձերը սկանավորել լայնաձիգ, երկայնաձիգ, ճառագայթային, հակաճառագայթային հարթություններով, որպեսզի ոչ մի սմ3 չմնա առանց սկանավորման։

Ի՞նչ անել՝ նվազեցնելու համար կրծքագեղձերի քաղցկեղով հիվանդանալու ռիսկը

• Երեխաների կրծքով կերակրեք հնարավորինս երկար
• Եղեք ֆիզիկապես ակտիվ
• Հետևեք ձեր քաշին
• Խուսափեք ծխախոտի ծխից, ալկոհոլի չարաշահումից, առանց բժշկի նշանակման հորմոնների ընդունումից և ավելորդ ճառագայթումից։

Կրծքագեղձերի սոնոգրաֆիայի գնացուցակ «ՎիտաՄեդ» ԲԿ-ում

Բժիշկներ