Գլխավոր > Ծառայություններ > Նեյրոսոնոգրաֆիա

Նեյրոսոնոգրաֆիա

Ճշգրիտ ու մանրակրկիտ հետազոտություն, բժիշկ-ռադիոլոգի խորհրդատվություն, ախտորոշում

ՎիտաՄեդ բժշկական կենտրոնն իրականացնում է նորածինների և վաղ տարիքի երեխաների գլխուղեղի լիարժեք և համապարփակ ուլտրաձայնային հետազոտություն՝ նեյրոսոնոգրաֆիա (ՆՍԳ)։ Մեր կենտրոնում հետազոտությունն ուղղված է մանկական տարիքում հանդիպող նյարդաբանական խնդիրների վաղ հայտնաբերմանը, զարգացման արատների բացառմանը և երեխայի առողջ աճի վերահսկմանը։ Մեր փորձառու բժիշկ-ռադիոլոգները կիրառում են բարձրակարգ ու գերժամանակակի ուլտրաձայնային սարքավորումներ, որոնք թույլ են տալիս ստանալ գլխուղեղի կառուցվածքի բարձր ճշգրտության պատկեր և գնահատել արյան շրջանառությունը։

ՎիտաՄեդի նեյրոսոնոգրաֆիայի ծառայությունից օգտվելով՝ դուք կստանաք պրոֆեսիոնալ մասնագիտական եզրակացություն, անվտանգ միջավայր և վստահություն Ձեր փոքրիկի առողջության հարցում։

Ի՞նչ խնդիրների դեպքում պետք է դիմել նեյրոսոնոգրաֆիայի

Երեխայի կյանքի առաջին ամիսներին նեյրոսոնոգրաֆիայի իրականացումը կարևոր քայլ է՝ ոչ միայն հնարավոր խնդիրները պարզելու, այլև հետագա բարդացումները կանխելու և զարգացման ընթացքը ճիշտ գնահատելու համար։

Նյարդաբանական խնդիրները կարող են դրսևորվել տարբեր ձևերով՝ անհանգիստ վարք, քնի խանգարումներ, հաճախակի թափահարումներ (ցնցումներ), գլխի շրջագծի անսովոր աճ կամ գաղթունի լարվածություն։ Շատ հաճախ ծնողները կարող են չնկատել փոքրիկ շեղումները, մինչդեռ էքսպերտային ՈՒՁՀ-ն թույլ է տալիս հայտնաբերել հեղուկի կուտակումը (հիդրոցեֆալիա), կիստաները կամ հետծննդաբերական հիպօքսիկ փոփոխությունները։

Բժիշկ-ռադիոլոգի կողմից իրականացվող հետազոտությունը թույլ է տալիս ժամանակին հայտնաբերել ցանկացած խնդրի պատճառը և ստանալ հստակ պատկեր՝ հետագա բուժման կամ հսկողության պլան կազմելու համար։

Ինչպե՞ս է իրականացվում նեյրոսոնոգրաֆիան

ՎիտաՄեդ բժշկական կենտրոնում նեյրոսոնոգրաֆիան կազմակերպվում է հարմարավետության և երեխայի համար հանգիստ մթնոլորտում։ Առաջին քայլում բժիշկ-ռադիոլոգը ծանոթանում է երեխայի անամնեզին (ծննդաբերության ընթացք, գանգատներ)։ Հետազոտությունն իրականացվում է գլխի գաղթունի միջոցով՝ օգտագործելով հատուկ էքսպերտային տվիչներ։

Բոլոր ստացված տվյալները և պատկերները համադրելով՝ բժիշկը գնահատում է ուղեղի կառուցվածքը, փորոքների չափսերը և անոթային համակարգը։ Այս մոտեցումը ապահովում է ոչ միայն ճշգրիտ ախտորոշում, այլև բացառում է սխալ մեկնաբանությունները՝ շնորհիվ բարձր որակավորում ունեցող մասնագետի և ժամանակակից տեխնիկայի։

Նեյրոսոնոգրաֆիայի հնարավորությունները ՎիտաՄեդում

Մեզ մոտ հետազոտությունը ներառում է բոլոր կարևորագույն ասպեկտները՝ սկսած ստանդարտ սքրինինգից մինչև բարդ դեպքերի տարբերակիչ ախտորոշում։ Մեր մասնագետներն իրականացնում են.

գլխուղեղի կառուցվածքային հետազոտություն,
ուղեղային արյան հոսքի գնահատում (դոպլերոգրաֆիա),
հետծննդաբերական արյունազեղումների և կիստաների հսկողություն,
հիդրոցեֆալիկ համախտանիշի դինամիկ դիտարկում,
զարգացման բնածին արատների բացառում։

Ինչո՞ւ ընտրել ՎիտաՄեդ բժշկական կենտրոնը

ՎիտաՄեդ բժշկական կենտրոնը հիմք է ընդունում ապացուցողական բժշկությունը և հագեցած է բացառապես էքսպերտային դասի ուլտրաձայնային սարքավորումներով։ Մենք կարևորում ենք այն փաստը, որ հետազոտությունն իրականացվում է նեղ մասնագիտացված բժիշկ-ռադիոլոգի կողմից, ինչը նվազեցնում է սխալ ախտորոշման հավանականությունը։

Այստեղ յուրաքանչյուր փոքրիկ բուժառու ստանում է անհատական մոտեցում։ Մենք ձգտում ենք ապահովել առավելագույն ճշգրտություն՝ հիմնվելով միջազգային պրոտոկոլների (AIUM, ISUOG) և գիտական մեթոդների վրա։

Հաճախ տրվող հարցեր

Արդյո՞ք հետազոտությունը վնասակար է երեխայի համար: Ո՛չ, ուլտրաձայնը չունի ճառագայթային ծանրաբեռնվածություն և բացարձակ անվտանգ է նորածինների համար։
Որքա՞ն է տևում հետազոտությունը: Նեյրոսոնոգրաֆիան սովորաբար տևում է 15–20 րոպե՝ կախված երեխայի հանգստությունից և խնդրի բարդությունից։
Ինչպե՞ս պատրաստվել նեյրոսոնոգրաֆիայի: Հատուկ պատրաստում չի պահանջվում։ Ցանկալի է, որ երեխան լինի կուշտ և հանգիստ վիճակում։