Շնչառական տեստեր

Մարսողական համակարգի բազմաթիվ հիվանդությունների ախտորոշման համար այսօր կիրառվում են ոչ միայն լաբորատոր անալիզներ և էնդոսկոպիկ հետազոտություններ, այլև ժամանակակից շնչառական թեստեր։ Այս մեթոդները թույլ են տալիս առանց ցավոտ կամ ինվազիվ միջամտությունների ստանալ կարևոր տեղեկատվություն ստամոքսի և աղիների աշխատանքի, որոշ բակտերիալ վարակների և մարսողական խանգարումների մասին։

ՎիտաՄեդ բժշկական կենտրոնում շնչառական թեստերը կիրառվում են որպես գաստրոէնտերոլոգիական համալիր ախտորոշման մաս՝ օգնելով բժշկին ավելի ճշգրիտ գնահատել բուժառուի վիճակը և ընտրել հետագա հետազոտությունների կամ բուժման ճիշտ մարտավարությունը։

Ի՞նչ են շնչառական թեստերը

Շնչառական թեստերը ախտորոշիչ հետազոտություններ են, որոնց ընթացքում վերլուծվում է արտաշնչվող օդի բաղադրությունը։

Մարդու արտաշնչած օդում առկա որոշ նյութեր կարող են արտացոլել մարսողական համակարգում տեղի ունեցող գործընթացները։ Հատուկ նյութերի ընդունումից հետո արտաշնչվող օդի հետազոտությունը հնարավորություն է տալիս գնահատել տարբեր հիվանդությունների կամ խանգարումների առկայությունը։

Շնչառական թեստերի հիմնական առավելությունն այն է, որ դրանք անցավ են, չեն պահանջում գործիքային միջամտություն, հաճախ կարող են լրացնել կամ որոշ դեպքերում փոխարինել այլ ախտորոշիչ մեթոդների։

Ի՞նչ հիվանդություններ կարող են ախտորոշել շնչառական թեստերը

Գաստրոէնտերոլոգիական պրակտիկայում շնչառական թեստերը կիրառվում են տարբեր նպատակներով։ Դրանց միջոցով հնարավոր է գնահատել՝

Helicobacter pylori վարակի առկայությունը

Ամենատարածված կիրառություններից մեկը Հելիկոբակտեր պիլորի (Helicobacter pylori) վարակի հայտնաբերումն է։ Այս բակտերիան կարող է կապված լինել գաստրիտի, խոցային հիվանդության և այլ ստամոքսային խնդիրների հետ։

Աղիներում բակտերիաների գերաճը (SIBO)

Որոշ շնչառական թեստեր օգնում են գնահատել բարակ աղիներում բակտերիաների ավելցուկային աճի առկայությունը, որը կարող է առաջացնել փքվածություն, գազեր, որովայնային ցավ և մարսողական այլ խնդիրներ։

Սննդային որոշ անհանդուրժողականություններ

Հետազոտությունը կարող է կիրառվել նաև լակտոզայի կամ որոշ այլ ածխաջրերի յուրացման խանգարումների գնահատման նպատակով։

Ե՞րբ կարող է նշանակվել շնչառական թեստ

Շնչառական թեստերը կարող են առաջարկվել, եթե պացիենտին անհանգստացնում են գաստրիտին բնորոշ գանգատները, այրոցը, փքվածությունը, գազերը, որովայնային ցավերն ու  մարսողական խանգարումները, անհասկանալի ծագման աղիքային գանգատները:

Հետազոտության անհրաժեշտությունը որոշվում է գաստրոէնտերոլոգի կողմից՝ ընդհանուր կլինիկական պատկերի գնահատումից հետո։

Ինչպե՞ս է իրականացվում հետազոտությունը

Շնչառական թեստը պարզ և հարմարավետ գործընթաց է։

Կախված հետազոտության տեսակից՝ պացիենտը նախ արտաշնչում է հատուկ սարքի կամ փորձանոթի մեջ, ապա ընդունում է հատուկ նյութ կամ լուծույթ։ Որոշակի ժամանակահատված անց կրկին կատարվում է արտաշնչվող օդի նմուշառում։

Ստացված արդյունքները վերլուծվում են և օգնում բժշկին՝ գնահատել հետազոտվող գործընթացների առկայությունը կամ բացակայությունը։

Հետազոտությունը սովորաբար տևում է 20–90 րոպե՝ կախված թեստի տեսակից։

Ինչպե՞ս նախապատրաստվել շնչառական թեստին

Շնչառական թեստերի ճշգրտությունը մեծապես կախված է ճիշտ նախապատրաստումից։

Կախված հետազոտության տեսակից՝ բժիշկը կարող է խորհուրդ տալ՝

• հետազոտությանը ներկայանալ քաղցած վիճակում,
• ժամանակավորապես սահմանափակել որոշ սննդամթերք,
• տեղեկացնել ընդունվող դեղամիջոցների մասին,
• հետաձգել հետազոտությունը մինչև որոշ բուժումների ավարտը։

Նախապատրաստման կոնկրետ ցուցումները տրամադրվում են նախապես

Շնչառական թեստերը՝ որպես գաստրոէնտերոլոգիական ախտորոշման մաս

Կարևոր է հասկանալ, որ շնչառական թեստերը սովորաբար չեն դիտարկվում առանձին, այլ հանդիսանում են գաստրոէնտերոլոգիական համալիր գնահատման մի մասը։

Արդյունքները մեկնաբանվում են գաստրոէնտերոլոգի կողմից՝ հաշվի առնելով պացիենտի գանգատները, բժշկական պատմությունը և այլ հետազոտությունների տվյալները։ Անհրաժեշտության դեպքում բժիշկը կարող է խորհուրդ տալ նաև լրացուցիչ ախտորոշիչ մեթոդներ, օրինակ՝ գաստրոսկոպիա կամ կոլոնոսկոպիա։

Ինչո՞ւ ընտրել ՎիտաՄեդի գաստրոէնտերոլոգիական ծառայությունը

• ՎիտաՄեդ բժշկական կենտրոնում շնչառական թեստերը կիրառվում են որպես ժամանակակից գաստրոէնտերոլոգիական ախտորոշման մաս։
• Մեր մասնագետները ոչ միայն կազմակերպում են հետազոտությունը, այլ նաև ապահովում են արդյունքների մասնագիտական մեկնաբանությունը և անհրաժեշտության դեպքում կազմում հետագա բուժման կամ հետազոտությունների ծրագիր։

Գրանցվել այցի

Եթե ձեզ անհանգստացնում են փքվածությունը, այրոցը, ստամոքսի ցավերը, մարսողական խանգարումները կամ այլ աղեստամոքսային գանգատներ, կարևոր է հասկանալ դրանց պատճառը, ոչ միայն պայքարել ախտանշանների դեմ։

Գաստրոէնտերոլոգի խորհրդատվությունն ու անհրաժեշտության դեպքում իրականացվող շնչառական թեստերը կարող են օգնել ստանալ ավելի ամբողջական պատկեր ձեր մարսողական համակարգի առողջության մասին և ընտրել արդյունավետ լուծում։

Գնացուցակ

Բժիշկներ