Թոքերի ռենտգեն ֆլյուորոգրաֆիա

Հաշվի առնելով բնակչության շրջանում թոքերի քաղցկեղի, թոքերի տուբերկուլոզի հիվանդացության վիճակագրական տվյալները՝ երբեմն անհրաժեշտ է լինում իրականացնել կրծքավանդակի ռենտգեն հետազոտության մասսայական կամ սկրինինգալային մեթոդը՝ ֆլյուորոգրաֆիան կամ թվային ռենտգեն հետազոտությունը:

Ֆլյուրոգրաֆիան կրծքավանդակի օրգանների հետազոտման արագ և հուսալի մեթոդ է, որը հնարավորություն է տալիս վաղ հայտնաբերել այնպիսի հիվանդություններ, ինչպիսիք են՝

• թոքերի տարատեսակ հիվանդությունները (տուբերկուլոզ, սարկոիդոզ, թոքաբորբ, պլևրիտ, կիստա և այլ գոյացություններ).
• սիրտ-անոթային համակարգի հիվանդություններ.
• միջնորմի հիվանդություններ.
• կրծքավանդակի ոսկրային համակարգի հիվանդություններ:

Գերժամանակակից սարքի գլխավոր առավելություններից մեկն այն է, որ պատկերն էկրանին ստանալու ժամանակ հետազոտվողը ճառագայթվում է 10 անգամ ավելի քիչ, քան թաղանթային ֆլյուրոգրաֆիայի դեպքում։

Գերհզոր սարքն ունի մոխրագույնի 256 երանգ, որի շնորհիվ համակարգչային ֆիլտրերի միջոցով ապահովում է պատկերի բարձր որակ, որն անմիջապես արտացոլվում է էկրանին, և հատուկ համակարգչային ծրագրի օգնությամբ հնարավոր է մեծացնել պատկերը կամ փոփոխել դրա երանգավորումն՝ օրգանն առավել մանրամասն ուսումնասիրելու համար՝ այդպիսով մեծացնելով հիվանդության ճանաչումը:

Թվային պատկերներն անորոշ ժամանակով կարող են պահվել կրիչի վրա, ինչը կարևոր է հիվանդության զարգացումը կամ բուժման արդյունավետությունը վերահսկելու համար:

Այսպիսով, կարելի է ընդգծել թվային ֆլյուորոգրաֆիայի հիմնական առավելությունները՝

•  հետազոտվողը ստանում է ճառագայթման նվազագույն չափաբաժին.
• հետազոտության պատասխանը կարելի է ստանալ անմիջապես, ընդ որում պատասխանը կարող է տրամադրվել պացիենտին սկավառակով.
• հետազոտությունը ավելի քիչ ծախսատար և  ավելի քիչ աշխատատար է:

Թոքերի ռենտգեն հետազոտություն գնացուցակ ՎիտաՄեդ ԲԿ-ում

Բժիշկներ