Պոդագրան պուրինների փոխանակության խանգարման հետևանքով առաջացող հիվանդություն է, որի դեպքում օրգանիզմի տարբեր հատվածներում, հիմնականում հոդերում, կուտակվում են միզաթթվի բյուրեղներ։

Սուր պոդագրիկ արթրիտը սաստիկ ցավով ուղեկցվող հոդի բորբոքումն է, առավել հաճախ պրոցեսի մեջ ընդգրկվում է առաջին նախագարշապար-ֆալանգային հոդը (բութ մատ)։ Մի քանի տարի անց պրոցեսի մեջ մտնում են այլ հոդեր ևս, առաջանում են տոֆուսներ (արտաքինից երևացող սպիտակավուն կուտակումներ)։ Հնարավոր է ներքին օրգանների, մասնավորապես երիկամների ախտահարում։

Ռիսկի գործոններն են.

•  Ճարպակալումը.
•  Սպիտակուցային սննդի չարաշահումը.
•  Ալկոհոլի չարաշահումը:

Անհրաժեշտ հետազոտություններից են՝ արյան ընդհանուր և կենսաքիմիական հետազոտությունները, հատկապես միզաթթվի մակարդակի որոշումը, հոդերի ուլտրաձայնային և ռենտգենաբանական հետազոտությունները և այլն։

Պոդագրայի բուժումն անհրաժեշտ է սկսել որքան հնարավոր է շուտ։

Պոդագրայի ախտորոշմամբ և բուժմամբ զբաղվում է բժիշկ-ռևմատոլոգը։

Հետազոտվե՛ք ժամանակին և կանխե՛ք հիվանդությունը:

,

Գրանցվել