Վահանաձև գեղձի վիճակը մարդու առողջության և լավ ինքնազգացման կարևոր գործոններից մեկն է: Հենց այդ օրգանն է, որը արտադրում է օրգանիզմի ամբողջ գործունեության վրա ազդող հորմոններ: Վերջիններիս պակասը կամ ավելցուկը առաջացնում են օրգանիզմի բոլոր համակարգերի աշխատանքի խափանում: Ահա թե ինչու  է կարևոր ժամանակին անցնել գերձայնային ախտորոշում, որը կարող է բժշկին ահազանգել շեղումների մասին նույնիսկ այն դեպքերում, երբ պաթոլոգիայի ակնհայտ արտահայտումներ չեն նկատվում:

Վահանագեղձի սոնոգրաֆիա

Վահանաձև գեղձի սոնոգրաֆիկ հետազոտությունը ներառում է վահանաձև գեղձի զույգ բլթերի, նեղուցի, հարվահանձև գեղձի բլթակների տեղակայման զոնաների և հարակից ավշային հանգույցների մանրակրկիտ ուսումնասիրություն փորձառու ՈՒՁՀ մասնագետի (բժիշկ-ռադիոլոգ) կողմից՝ ժամանակակից և էքսպերտային սարքով:

Սոնոգրաֆիայի տևողությունը: Հետազոտությունը տևում է 10-20 րոպե: Պացիենտները պետք է նախապես գրանցվեն, որպեսզի կարողանան ստանալ ծառայությունը առանց սպասելու.

Սոնոգրաֆիայի եզրակացության տրամադրման ձևը: Հետազոտության արդյունքները, ներառյալ նկարները և դրանց մեկնաբանությունները, կարող եք ստանալ թղթային կամ էլեկտրոնային եղանակներով՝ հայերեն կամ ռուսերեն լեզվով՝ ըստ պացիենտի ընտրության:

Սոնոգրաֆիայի նախապատրաստումը: Հետազոտման համար հատուկ նախապայմաններ առկա չեն, սակայն այս դեպքում՝ պարանոցի շրջանում սուր առաջացած ցավերի դեպքում, պացիենտները կարող են ներկայանալ արտահերթ, և սոնոգրաֆիան կիրականացվի առանց հերթի՝ հնարավորինս քիչ սպասելով:
 

Ե՞րբ է պետք կատարել վահանագեղձի սոնոգրաֆիա՝ գերձայնային կամ ուլտրաձայնային  հետազոտություն

Հաշվի առնելով այն հանգամանքը, որ վահանագեղձը ազդում է օրգանիզմի բոլոր համակարգերի գործունեության վրա, խախտումների դրսևորումները կարող են լինել տարբեր: Բժիշկը ավելի հաճախ ուղեգրում է հետազոտման հետևյալ դեպքերում՝               

• վահանաձև գեղձի չափերի մեծացում (կարող է որոշվել բժշկի կողմից շոշափման կամ տեսողական զննման ընթացքում).
• տվյալ շրջանի մաշկի կարմրություն.
• ցավի զգացում և անհարմարավետություն թեթև սեղմելու ժամանակ.
• ձայնի տեմբրի փոփոխում.
• սրտի ռիթմի խանգարումների կամ սրտի հետ կապված այլ խնդիրների առաջացում.
• վերջույթների այտուցներ.
• մարմնի ջերմաստիճանի բարձրացում.
• մազաթափություն.
• քաշի կտրուկ ավելացում կամ կորուստ.
• տագնապի անկառավարելի զգացողություն.
• նյարդայնություն, գրգռականություն, լալկանություն.
• վերջույթների դող.
• հորմոնալ դեղամիջոցների կանոնավոր ընդունում.
• առաջներում հայտնաբերված էնդոկրին հիվանդություններ.
• վաղ դաշտանադադար կամ դաշտանային ցիկլի մշտական ուշացումներ կանանց մոտ:

Վահանագեղձի սոնոգրաֆիա կանխարգելիչ նպատակներով

Կանխարգելիչ նպատակով խորհուրդ է տրվում տարվա մեջ մեկ անգամ հետազոտել վահանաձև գեղձը (հատկապես՝ 45 տարեկանից հետո), նաև օնկոլոգիական հիվանդությունների հակման դեպքում:

• Կանայք և աղջիկները ավելի հաճախ են կարիք ունենում վահանաձև գեղձի հետազոտման (տղամարդկանց հետ համեմատած):
• Հղիության ընթացքում պետք է լինել ավելի զգոն և ոչ մի դեպքում չհրաժարվել սոնոգրաֆիայից, եթե բժիշկը ուղեգրում է այդ հետազոտության:          

Վահանագեղձի սոնոգրաֆիայի արժեքը, գնացուցակ

Վիտամեդ ԲԿ -ում ախտորոշում, բուժում և հսկում ենք՝ առաջնորդվելով միջազգային ուղեցույցներով։

Մեր կատարած հետազոտությունները կրկնելու կարիք չի լինում:

Վարդան Մանուկյան, Հիմնադիր-տնօրեն, բժիշկ-ռադիոլոգ

Վարդան Վովիկի Մանուկյան, ծնված 17․06․1986թ․ ՀՀ, ք․ Ստեփանավան

 

Կրթություն

• 2003-2009թթ․ ԵրՊԲՀ, ռազմաբժշկական ֆակուլտետ
• 2009-2010թթ․ նույն ֆակուլտետի ինտերնատուրան
• 2012-2014թթ․ ԵրՊԲՀ «ճառագայթային ախտորոշում», օրդինատուրա

 

Աշխատանքային գործունեություն

• 2010-2012թթ․ ՀՀ ՊՆ համար N զորամաս «բուժկետի բժիշկ-Բ/Ծ լեյտենանտ», «բուժկետի պետ Բ/Ծ ավագ լեյտենանտ»
• 2014-2017թթ․ ՀՀ ՊՆ համար N զորամաս «Ճառագայթային ախտորոշման կաբինետի պետ-Բ/Ծ կապիտան»
• 2017-2018թթ․ ՀՀ ՊՆ համար N-1 զորամաս «Ճառագայթային ախտորոշման կաբինետի պետ-Բ/Ծ մայոր»
• 2018-2022թթ․«Վիտամեդ Պլյուս» ՍՊԸ հիմնադիր-տնօրեն, բժիշկ-ռադիոլոգ, 2018-2020թթ․ «Վիտասոլ Պլյուս» ՍՊԸ հիմնադիր-տնօրեն
• 2022-թ․«Վիտա Մեդ» ՍՊԸ հիմնադիր-տնօրեն, բժիշկ-ռադիոլոգ

 

Ռադիոլոգների Հայկական ասոցիացիայի-ASR, FMF-ի, ISOUG-ի, Եվրոպական Ռադիոլգիական ասոցիացիայի-ESOR անդամագրություններ

• «FMF Advances in fetal Medicine Course»  սերտիֆիկատ» 3-4.12.2022թ․, Լոնդոն
• «One day Focus: expert fetal ultrasound» 10.07.2021թ․, Կիև
• «Fetal and neonatal neurosongraphy» 10.04.2022թ․, Կիև
• «Российский Диагностический Саммит» 19-21.2021г., Մոսկվա
• «Նյարդերի սոնոգրաֆիա և ցավի կառավորում ՈՒՁՀ հսկողությամբ» 22.10.2022թ․, Դիլիջան
•  «Թոքերի ՈՒՁՀ» 03-14․10․2022թ․, Երևան
• «Ռենտգենաբական ախտորոշման արդի մոտեցումներ» 25․01-12․02․2021թ․, Երևան,
• «Ուլտրաձայնային ախտորոշման արդի մոտեցումներ» 07-25․12․2020թ․, Երևան,
• «Առողջապահական կառավարման արդիական հարցեր, առողջապահական ոլորտում մարդկային ռեսուրսների կառավարում, բժշկական ծառայությունների որակի կառավարման հիմունքներ» 27․09․2021-24․02․2022թ․ առցանց
• և այլն։

 

Մեր տնօրենի  կարգախոսն է՝ «Բուժախտորոշումը սկսում է բարևից»

Գրանցվել