12 Մայիսի 2025, Երկուշաբթի

Էխոսրտագրությունը սրտի ուլտրաձայնային հետազոտությունն է (սոնոգրաֆիա)։ 

Այն բացարձակ անցավ է և անվտանգ։ Էխոսրտագրության կարևոր առավելություններից է, որ հետազոտության ընթացքում չեն օգտագործվում ռենտգեն ճառագայթներ։ 
Էխոսրտագրության ժամանակ օգտագործվում է նաև դոպլեր հետազոտություն և գունավոր դոպլեր՝ գնահատելու համար արյան հոսքը սրտի փականներով։ 

 

Տարբերում ենք էխոսրտագրության հետևյալ տեսակները՝

 

1.    Տրանսթորակալ էխոսրտագրություն
2.    Տրանսէզոֆագիալ էխոսրտագրություն
3.    Սթրես էխոսրտագրություն

«ՎիտաՄեդ» ԲԿ-ում էխոսրտագրությունն իրականացնում է սրտաբանը։ 

 

Էխոսրտագրությամբ գնահատվում է՝ 

 

• Սրտամկանի աշխատանքը ռեալ ժամանակում
• Սրտի խոռոչների և փականների չափսերը, կառուցվածքը, ծավալները
• Սրտամկանի պատերի հաստությունը (օր․՝ հիպերտրոֆիա)
• Սրտամկանի կծկողական ֆունկցիան և թուլացումը (սրտային անբավարարություն, դիաստոլիկ դիսֆունկցիա)
• Բնածին և ձեռքբերովի արատների առկայությունը (միջնախասրտային միջնապատի արատներ, բաց օվալ անցք, միջփորոքային միջնապատի արատներ, միտրալ ռեգուրգիտացիա, տրիկուսպիդալ ռեգուրգիտացիա, աորտալ ռեգուրգիտացիա, միտրալ ստենոզ, աորտալ ստենոզ)
• Խոռոչների և խոշոր անոթների չափսերի փոփոխությունը (օր․՝ աորտայի անևրիզմա, թոքային զարկերակի լայնացում)
• Սրտամկանի տարած ինֆարկտի նշանները և հետինֆարկտային անևրիզմաները (հիպոկինեզի, ակինեզի զոնաներ)
• Սրտապարկում հեղուկի առկայությունը (պերիկարդիտ)

 

Էխոսրտագրություն կատարելու ցուցումները՝

 

• Երբ առկա է ցավ կրծքավանդակում
• Հևոց, շնչարգելություն
• Ստորին վերջույթների այտուցներ
• Աուսկուլտատիվ՝ սրտում աղմուկների առկայություն
• Որոշ վիրահատություններից առաջ

 

Ինչպե՞ս պատրաստվել տրանսթորակալ էխոսրտագրության

1.    Խոսե՛ք Ձեր բժշկի հետ հետազոտությունից առաջ, նա մանրամասն կբացատրի Ձեզ հետազոտոթյան ընթացքը։ 
2.    Հագե՛ք այնպիսի հագուստ, որը հանելը հեշտ կլինի հետազոտության ժամանակ։
3.    Զգուշացրե՛ք բժշկին, եթե Դուք ունեք պեյսմեյկեր։ 
4.    Հետզոտության ժամանակ բուժառուի քաղցած լինելը պարտադիր չէ։ 

 

Ի՞նչ է տեղի ունենում էխո սգ հետազոտության ընթացքում

էխո ՍԳ հետազոտության ընթացքում հետևում ենք հետևյալ հերթականությանը՝
1.    Դուք պետք է հանեք ցանկացած զարդ կամ իր Ձեր վրայից, որը կարող է խանգարել հետազոտության ընթացքին.
2.    Հանում եք Ձեր հագուստը.
3.    Պառկում եք՝ շրջված ձախ կողքի վրա.
4.    Սենյակը պետք է մութ լինի, որպեսզի սրտի պատկերը լավ երևա.
5.    Բժիշկը գելով տվիչի միջոցով հետազոտելու է Ձեր սիրտը.
6.    Հետազոտության ընթացքում բժիշկը, տվիչը տեղաշարժելով, փորձում է ստանալ սրտի պատկերը տարբեր մուտքերից։ Բժիշկը կարող է խնդրել Ձեզ խորը ներշնչել, արտաշնչել, պահել շունչը։ 

 

Էխոսրտագրության, սրտաբանական հետազոտությունների և ծառայությունների գնացուցակ ՎիտաՄեդ ԲԿ-ում

 

Էլեկտրասրտագրություն, էխոսրտագրություն, սրտաբանի առաջնային կոնսուլտացիա ծավալուն բուժման նշանակմամբ և կրկնակի խորհրդատվությունով երկու շաբաթվա ընթացքում	23000 դրամ
Էխոսրտագրություն	15000 դրամ
ԷՍԳ-մոնիտորինգ 24-ժամյա (Հոլտեր մոնիտորինգ)	15000 դրամ
ԷՍԳ-մոնիտորինգ 48-ժամյա (Հոլտեր մոնիտորինգ)	20000 դրամ
Սրտաբանի առաջնային կոնսուլտացիա բուժման նշանակմամբ՝ ներառյալ Էլեկտրասրտագրություն	15000 դրամ
Սրտաբանի առաջնային կոնսուլտացիա՝ առանց հետազոտությունների	12000 դրամ
Սրտաբանի երրորդ այց մեկ ամսվա ընթացքում	5000 դրամ
Ամբուլատոր ճնշաչափում 24ժ	8000 դրամ