Ի՞նչ է այս պոդագրան

Հոդատապը քրոնիկական փոխանակային հիվանդություն է, որի դեպքում օրգանիզմում բարձրանում է միզաթթվի մակարդակը։ Արդյունքում հոդերում և հյուսվածքներում կուտակվում են մոնոնատրուրատի բյուրեղներ, որոնք առաջացնում են բորբոքում, ուժեղ ցավ և ժամանակի ընթացքում հոդերի դեֆորմացիա։

Պատճառներ և ռիսկի գործոններ

Պոդագրայի առաջացման հիմնական պատճառը հիպերուրիկեմիան է (միզաթթվի կայուն բարձր մակարդակ արյան մեջ), որը պայմանավորված է՝

• պուրինների փոխանակության խանգարմամբ,
• միզաթթվի արտազատման նվազումով երիկամների կողմից,
• պուրիններով հարուստ սննդի ավելցուկով։

Ռիսկի գործոններ՝

• տղամարդկանց սեռ, տարիք՝ >40 տ.,
• ալկոհոլի օգտագործում (հատկապես գարեջուր, թունդ խմիչքներ),
• մսային և ծովամթերքի չարաշահում,
• գիրություն, մետաբոլիկ համախտանիշ, զարկերակային հիպերտենզիա,
• քրոնիկական երիկամային հիվանդություններ,
• ժառանգական նախատրամադրվածություն։

Հոդատապի տեսակները և դասակարգումը

• Սուր հոդատապ – հանկարծակի ցավի նոպաներ, սովորաբար գիշերը, ավելի հաճախ մեկ հոդում (մեծ ծայրամատաձև հոդը ոտքի).
• Քրոնիկական հոդատապ – կրկնվող նոպաներ, տոֆուսների առաջացում, հոդերի դեֆորմացիա։
• Ատիպիկ ձևեր – պոլիարթրիտիկ, ենթասուր, ասիմպտոմատիկ հիպերուրիկեմիա։

 
Հիմնական ախտանիշներ

• Սուր, անտանելի հոդային ցավ, հատկապես գիշերը,
• Այտուց, կարմրություն, տեղային ջերմության բարձրացում,
• Շարժունակության սահմանափակում,
• Քրոնիկական ձևում՝ տոֆուսներ (կուտակումներ հոդերի կամ ականջախեցու շրջանում),
• Կրկնվող նոպաներ՝ նոր հոդերի ներգրավմամբ։

Պոդագրայի ախտորոշումը

• Կլինիկա՝ բնորոշ նոպաներ, տոֆուսներ,
• Լաբորատոր՝ հիպերուրիկեմիա, բորբոքային ցուցանիշների բարձրացում,
• Հոդային հեղուկի քննություն՝ նատրիումի ուրատների բյուրեղների հայտնաբերում (ոսկե ստանդարտ),
• Ինստրումենտալ՝ ռենտգեն (էրոզիաներ), ՈւՁՀ («կրկնակի կոնտուր» նշան), անհրաժեշտության դեպքում ԿՏ։

Ժամանակակից բուժում

Նոպայի ընթացքում՝

•     ՈՍՀԴ (իբուպրոֆեն, նապրոքսեն, ինդոմետացին),
•     կոլխիցին,
•     ծանր ընթացքի դեպքում՝ կարճատև գլյուկոկորտիկոիդներ։

Միջնոպային (բազիսային թերապիա)՝

•     ալոպուրինոլ կամ ֆեբուքսոստատ՝ միզաթթվի մակարդակի նվազեցման համար,
•     ուրիկոզուրիկ դեղեր (բենցբրոմարոն, պրոբենեցիդ) երիկամների նորմալ ֆունկցիայի դեպքում,
•     կենսակերպի փոփոխություն՝ քաշի նվազեցում, ալկոհոլից հրաժարում, պուրիններով աղքատ սննդակարգ։

Հնարավոր բարդություններ և կանխարգելում

Բարդություններ՝ քրոնիկական հոդատապային արթրիտ, հոդերի դեֆորմացիա, տոֆուսներ, քրոնիկական երիկամային հիվանդություն, ուրատային նեֆրոպաթիա, միզաքարային հիվանդություն։

Կանխարգելում՝

• միզաթթվի մակարդակի պարբերական հսկողություն,
• պուրիններով սահմանափակված սննդակարգ,
• ալկոհոլից հրաժարում,
• բավարար հեղուկի ընդունում,
• հիպերուրիկեմիայի վաղ բուժում։

Երբ դիմել բժշկի

• առաջին սուր նոպայի դեպքում,
• եթե նոպաները կրկնվում են տարին ≥1–2 անգամ,
• տոֆուսների կամ հոդերի դեֆորմացիայի առկայության դեպքում,
• զուգահեռ երիկամային հիվանդության կամ հիպերտենզիայի դեպքում,
• երբ սովորական ցավազրկողները անարդյունավետ են։

Շուշաննա Արիստակեսյան, Ռևմատոլոգ

Արիստակեսյան Շուշաննա, 28․12․1988թ․ծ.

 

Կրթություն

 

• Երևանի պետական բժշկական համալսարան. 2005-2013թթ․
• Երևանի պետական բժշկական համալսարան, Ռևմատոլոգ մասնագետ, 2011–2013

 

Մասնագիտական գործունություն

 

• Ասիստենտ ընդհանուր բժշկության ֆակուլտետում, 28.10.2013 – 01.01.2019թթ.
• Ռևմատոլոգ և ՈւՁՀ մասնագետ  Կենտրոնական զինվորական հոսպիտալում,  Ստեփանակերտ, 26.04.2018–15.10.2019  
• Ռևմատոլոգիայի դասախոս Երևանի պետական բժշկական համալսարանում, 2019թ. առ այսօր
• Ռևմատոլոգիայի դասախոս Միքայելյանի անվան վիրաբուժության ինստիտուտում, 2019թ. առ այսօր
• ՈւՁՀ մասնագետ 1-ին Պոլիկլինիկայում, 02.2019թ. առ այսօր
• Վիտամեդ ԲԿ բժիշկ ռևմատոլոգ, 2022թ․ առ այսօր
• Ռևմատոլոգների հայկական ասոցիացիա

 

Վերապատրաստումներ

 

• Մխիթար Հերացու անվ  պետական բժշկական համալսարան, բժիշկ, 2005–2011թթ.
• Ներզատաբանություն, Ֆրանսիա, 01.08.2008–31.08.2008 թթ.
• Ռևմատոլոգիայի դպրոց, Ռևմատոլոգիայի համալսարան, Ռուսաստան, 06.04.2012–09.04.2012թթ.
• Զալցբուրգի ներքին բժշկության սեմինար, 30.06.2013–06.07.2013թթ.
• Ռևմատոլոգիայի ամառային դպրոց, Գերմանիա, 13.07.2014–27.07.2014թթ.
• Ուլտրաձայնային մասնագիտացում, 10.2015–04.2016թթ.
• Հոդերի ՈւՁՀ,  04.11.2019–20.12.2019թթ.

Գրանցվել