Սերմնահեղուկի Հետազոտություններ
Սերմնահեղուկի հետազոտություն ըստ ԱՀԿ-ի խիստ չափանիշների
Սերմնահեղուկի հետազոտությունը շարունակում է մնալ տղամարդկանց ռեպրոդուկտիվ ֆունկցիան գնահատելու առաջնային հետազոտություն: Բացի դրանից, այս հետազոտությունը կարող է օգտակար լինել ուրոլոգիական մի շարք հիվանդությունների ախտորոշման համար:
Ինչպե՞ս ճիշտ պատրաստվել սերմնահեղուկի անալիզին
Վերջին սերմնաժայթքումը պետք է լինի հետազոտությունից 2 օր առաջ և ոչ ուշ, քան 7 օր։ Հետազոտության դինամիկ հսկողության ժամանակ նախընտրելի է սահմանել զսպման նույն ժամանակահատվածները՝ ստացված արդյունքների շեղումները նվազեցնելու համար։
Ամբողջովին պետք է բացառել՝
- Ալկոհոլը և այլ տոքսիկ նյութերը՝ 6–7 օր առաջ, քանի որ դրանք ազդում են սպերմատոգենեզի վրա։
- Որոշ դեղերի ընդունումը՝ բժշկի թույլտվությամբ: Դեղորայքը կարող է ազդել սերմի շարժունակության և կենսունակության վրա:
- Մեկ շաբաթով շոգեբաղնիք այցելելը – գերտաքացումն էապես ազդում է սերմնահեղուկի որակի վրա:
- Ֆիզիոթերապիայից և ռենտգեն հետազոտություններից պետք է անցած լինի նվազագույնը 3 օր։Սուր շնչական վարակների բուժումից 7-10 օր հետո է միայն խորհուրդ է տրվում սերմնահեղուկը հանձնել հետազոտման, հատկապես եթե հիվանդությունն ուղեկցվել է բարձր ջերմությամբ։
Սերմնահեղուկի հանձման նախօրեին խուսափեք ծանր ֆիզիկական ակտիվությունից և սթրեսային իրավիճակներից, քանի որ կորտիզոլը կարող է ազդել հետազոտության արդյունքների վրա:
Մի՛ օգտագործեք պահպանակ կամ քսանյութեր սերմնաժայթքման համար:
Հետազոտությունից առաջ իրականացրեք հիգիենիկ միջոցառումներ և դատարկեք միզապարկը։
Սերմնահեղուկը հավաքեք ամբողջությամբ։
Հետազոտության հանձմանը պատշաճ նախապատրաստումը ազդում է վերջինիս արդյունքների ճշգրտության վրա, այնպես որ պետք է ուշադիր հետևել բժիշկների խորհուրդներին:
Սպերմոգրամմայի՝ սերմնահեղուկի անալիզ հանձնելու համար պետք է նախապես գրանցվել: