Սուր միջին օտիտը սուր բորբոքային հիվանդություն է, որն ախտահարում է միջին ականի թմբկախոռոչի լորձաթաղանթը՝ հիմնականում պայմանավորված Եւստախյան փողի դիսֆունկցիայով և վարակով։ Բնորոշվում է էքսուդատի կուտակումով և բորբոքման կլինիկական նշաններով։ Տևողությունը՝ մինչև 3 շաբաթ։
Պատճառագիտություն և ռիսկի գործոններ
Հաստատված հարուցիչներ (մշակույթ և ՊՇՌ մեթոդներով):
- Բակտերիաներ՝ Streptococcus pneumoniae (~40%), Haemophilus influenzae (~30%), Moraxella catarrhalis (~10–15%)
- Վիրուսներ՝ շնչառական սինցիտյալ վիրուս, գրիպ, պարագրիպ, ադենովիրուս, կորոնավիրուս, ռինովիրուս
Հիմնավոր ռիսկի գործոններ.
- Մինչև 5 տարեկան տարիքը (Եստախյան փողի անատոմիական առանձնահատկություններ, իմունիտետի անկատարություն)
- Արհեստական կերակրում (զրկված է կրծքի կաթի IgA-ից և իմունամոդուլյատորներից)
- Պասիվ ծխախոտածխություն (խանգարում է մուկոցիլյար մաքրմանը)
- Ադենոիդային հիպերտրոֆիա (Եւստախյան փողի խցանում)
- Մանկապարտեզ կամ կոլեկտիվ հաճախում (վիրուսային վարակների հաճախականություն)
- Ժառանգական նախատրամադրվածություն
- Մակարդակային ճնշման տատանումներ (ավիացիա, դայվինգ)
- Իմունադեֆիցիտային վիճակներ
Սուր միջին օտիտի դասակարգումը
Ըստ տևողության.
- Սուր՝ ≤3 շաբաթ
- Ենթասուր՝ 3–12 շաբաթ
- Քրոնիկ՝ >12 շաբաթ
Ըստ կլինիկական ձևի.
- Առանց պերֆորացիայի
- Պերֆորացիայով և օտոռեայով
- Էքսուդատիվ օտիտի ֆոնին
Ըստ ծանրության.
- Թեթև
- Միջին ծանրության
- Ծանր (ջերմություն >39°C, ցավ >48 ժ.)
Ախտանիշներ
Երեխաների մոտ՝
- Ականջի ցավ
- Ջերմություն
- Դյուրագրգռություն, վատ քուն
- Լսողության անկում
- Օտոռեա
Մեծահասակների մոտ՝
- Ականջի ցավ
- Ջերմություն (հազվադեպ)
- Լսողության անկում
- Գլխացավ, ճնշման զգացում
- Հավասարակշռության խանգարումներ (հազվադեպ)
Ախտորոշում
Դիագնոզը հիմնվում է՝
- Միջին ականջում էքսուդատի առկայության վրա (թմբկաթաղանթի ուռածություն, անշարժություն)
- Բորբոքման նշանների վրա (հիպերեմիա, ջերմություն)
- Լրացուցիչ՝ տիմպանոմետրիա, աուդիոմետրիա, անհրաժեշտության դեպքում՝ ԿՏ/ՄՌՏ
Բուժում
1. Ցավազրկում
Պարացետամոլ, իբուպրոֆեն
2. Անտիբիոտիկոթերապիա (ցուցումներ)
- Երեխաներ <6 ամսական
- 6–23 ամսական երկկողմանի օտիտ
- Ծանր ընթացք, օտոռեա
- Մեծահասակներ՝ ուժեղ ցավով
- Տևողություն՝ 5–7 օր (երեխաներ >2 տ․, մեծահասակներ), 10 օր (<2 տ․ կամ բարդացումների դեպքում)
3. Տեղային բուժում՝ օտոռեայի առկայության դեպքում
Ականջի կաթիլներ՝ հակաբիոտիկներով
Բարդություններ
- Մաստոիդիտ
- Տիմպանոսկլերոզ
- Մնացորդային պերֆորացիա
- Սենսոնևրալ լսողության կորուստ
- Մենինգիտ, գլխուղեղի թարախակույտ
- Դեմքի նյարդի պարալիչ
- Քրոնիկ միջին օտիտ
Ե՞րբ դիմել բժշկի
- Ականջի ցավ >2 օր, ջերմություն >39°C
- Լսողության խանգարում >1 շաբաթ
- Կրկնվող էպիզոդներ (≥3՝ 6 ամսում)
- Ականջից արտազատում
- Բարդությունների կասկած (ականջի ետևում այտուց, գլխացավ, նյարդաբանական ախտանիշներ)