Ի՞նչ է էնդոմետրիումի պոլիպը

Էնդոմետրիումի պոլիպը բարորակ նորագոյացություն է, որն առաջանում է արգանդի լորձաթաղանթի (էնդոմետրիումի) վրա։
 

Պատճառներ և ռիսկի գործոններ

Թեև պոլիպների առաջացման ճշգրիտ պատճառները լիովին ուսումնասիրված չեն, սակայն կան մի շարք հայտնի ռիսկի գործոններ՝

•    Հորմոնալ դիսբալանս
•    Քրոնիկական էնդոմետրիտ
•    Տամոքսիֆենի ընդունում (կրծքագեղձի քաղցկեղի բուժման մեջ կիրառվող դեղամիջոց)
•    Դաշտանային ՀՄԹ երկարատև օգտագործում
•    Գերքաշություն, մետաբոլիկ սինդրոմ, զարկերակային հիպերտենզիա
•    Պոլիկիստոզ ձվարանների համախտանիշ (ՊՁՀ)
 

Տեսակներ և դասակարգում

Հիստոլոգիական կառուցվածքով՝

•    Գեղձային — կազմված է հիմնականում էնդոմետրիալ գեղձերից
•    Գեղձա-ֆիբրոզային — գեղձային և շարակցական հյուսվածքի համադրություն
•    Ֆիբրոզային — գերակշռում է շարակցական հյուսվածքը
•    Ադենոմատոզ (ատիպիկ) — պարունակում է պրոլիֆերատիվ փոփոխություններ, համարվում է նախաքաղցկեղային
•    Պլացենտար պոլիպ — առաջանում է ծննդաբերությունից, վիժումից կամ աբորտից հետո մնացած պլացենտար հյուսվածքից

Ըստ քանակի և չափերի՝

•    Կարող են լինել մեկական կամ բազմակի
•    Չափերը՝ մի քանի միլիմետրից մինչև մի քանի սանտիմետր
 

Արգանդի պոլիպի ախտանիշները

Արգանդի լորձաթաղանթի (էնդոմետրիումի) պոլիպները հաճախ չեն առաջացնում գանգատներ և հայտնաբերվում են պատահաբար՝ ՈՒՁՀ-ի ժամանակ։ Սակայն կարող են դիտվել՝

•    Ացիկլիկ արգանդային արյունահոսություն
•    Դաշտանի երկարացում և ուժեղացում
•    Բեղմնավորման դժվարություն
•    Արյունային արտադրություն դաշտանադադարից հետո
 

Էնդոմետրիումի պոլիպի ախտորոշում

Հիմնարար մեթոդը՝ փոքր կոնքի օրգանների ՈՒՁՀ։
«Ոսկե ստանդարտ» — հիստերոռեզեկտոսկոպիա՝ հյուսվածքաբանական հետազոտությամբ։
 

Արգանդի պոլիպի բուժումը

Էնդոմետրիումի պոլիպի բուժման հիմնական մեթոդը՝ հիստերոսկոպիկ պոլիպէկտոմիա՝ հետագա հիստոլոգիական վերահսկողությամբ։

Հնարավոր է նաև հսկողության տակ պահել՝ ելնելով հիվանդի տարիքի, ախտանիշների և վերարտադրողական պլանների համակցումից։

Պոլիպը ենթակա է հեռացման, եթե՝

•    Առկա են ախտանիշներ՝ առատ դաշտան, միջդաշտանային արյունահոսություն
•    Անպտղություն
•    Դաշտանադադարի շրջան
•    Չափը գերազանցում է 1 սմ-ը
 

Բարդություններ և կանխարգելում

Հնարավոր բարդություններ՝

•    Սակավարյունություն
•    Պոլիպների ռեցիդիվ
•    Չարորակ փոփոխությունների ռիսկ՝ 0.3–5.4%, հատկապես դաշտանադադարից հետո

Կանխարգելում՝

•    Կանոնավոր գինեկոլոգիական զննումներ
•    Մարմնի քաշի, հորմոնալ և մետաբոլիկ խանգարումների կարգավորում
•    Արգանդի և հավելումների բորբոքային հիվանդությունների արդյունավետ բուժում
 

Արգանդի պոլիպն ու հղիությունը

Էնդոմետրիումի պոլիպները կարող են պատճառ լինել անպտղության կամ վաղ վիժումների՝ խաթարելով արգանդի խոռոչը կամ խանգարելով էմբրիոնի իմպլանտացիային։
Պոլիպէկտոմիան՝ պոլիպի հեռացումը, զգալիորեն բարձրացնում է բնական հղիության կամ ԱՊՊ հաջողության հավանականությունը։
 

Երբ դիմել գինեկոլոգի

•    Եթե ունեք անկանոն կամ առատ դաշտաններ
•    Արյունային արտադրություն՝ դաշտանների միջև կամ դաշտանադադարի ժամանակ
•    Բեղմնավորման խնդիրներ
•    ՈՒՁՀ տվյալներ՝ պոլիպի կասկածով

Կարինա Տոնոյան, Գինեկոլոգ

Կարինա Տոնոյան

 

Կրթություն

 

• Երևանի Մխիթար Հերացու անվան պետական ​​բժշկական համալսարանի բժշկական ֆակուլտետ
• Կլինիկական օրդինատուրա մանկաբարձության և գինեկոլոգիայի մասնագիտությամբ Ալթայի պետական ​​բժշկական համալսարան, 2020 թ.
• Ուլտրաձայնային ախտորոշում, 2022թ․, ք․ Բառնաուլ
• Գինեկոլոգիական էնդոկրինոլոգիա, 2024թ․, ք․ Մոսկվա

 

Մասնագիտական գործունեություն

• Ծննդատուն, ք․ Բառնաուլ, 2020-2022թթ.
• Անհետաձգելի բուժ․ օգնության  հիվանդանոց, ք․ Բառնաուլ, 2020-2022թթ.
• «ՎիտաՄեդ» բժշկական կենտրոն, ք․ Երևան, 2022թ. առ այսօր

 

Կոնֆերանսներ

 

• «Ախտորոշման, բուժման և վերականգնման չլուծված հիմնախնդիրները մանկաբարձության մեջ և գինեկոլոգիայում» գիտագործնական գիտաժողով
• «Հակաբակտերիալ թերապիա մանկաբարձության մեջ․ վիճելի հարցեր» գիտագործնական գիտաժողով
• «Անոգենիտալ հատվածի ոչ վարակիչ հիվանդությունների ախտորոշման և բուժման սկզբունքները» գիտակործնական գիտաժողով

Գրանցվել