08 Հունվարի 2026, Հինգշաբթի

Ատոպիկ դերմատիտը քրոնիկ բորբոքային մաշկային հիվանդություն է, որը բնորոշվում է չորությամբ, քորով և գրգռված մաշկով։ Սկսվում է հաճախ մանկության տարիքում, սակայն կարող է շարունակվել նաև մեծահասակների մոտ։

Պատճառագիտություն և ռիսկի գործոններ

Ախտի հիմքում ընկած են՝

• Գենետիկական նախատրամադրվածություն
• Մաշկի պաշտպանիչ բարիերի խանգարում
• Ալերգիաներ
• Արտաքին գրգռիչներ
• Իմունային համակարգի հիպերակտիվություն

Ավելի հաճախ հանդիպում է այն ընտանիքներում, որտեղ կան ալերգիկ ռինիտով, բրոնխիալ ասթմայով կամ էկզեմայով հիվանդներ։

Ատոպիկ դերմատիտի տեսակները և դասակարգումը

Ատոպիկ դերմատիտը հանդիսանում է այսպես կոչված «ատոպիկ տրիադայի» բաղադրիչ՝

1.    Ատոպիկ դերմատիտ
2.    Բրոնխիալ ասթմա
3.    Ալերգիկ ռինիտ

Հիվանդությունն ունի տարբեր աստիճանի դրսևորումներ՝ սկսած մեղմ չորությունից մինչև լայնածավալ բորբոքային օջախներ՝ արտահոսքով, ճաքերով և վերքերով։

Հիմնական կլինիկական ախտանիշներ՝

• Ընդհատվող կամ մշտական ուժեղ քոր
• Չոր, թեփոտվող մաշկային հատվածներ
• Կարմրություն, բորբոքում
• Ճաքեր, երբեմն՝ արյունահոսող մաշկ
• Ավելի հաճախ ախտահարվում են՝ դեմքը, պարանոցը, ձեռքերն ու արմունկները, ծնկափորերը

Ինչպե՞ս է ախտորոշվում և բուժվում ատոպիկ դերմատիտը

Ատոպիկ դերմատիտի ախտորոշումը կատարվում է կլինիկական զննման և անամնեզի հավաքման միջոցով։ Որոշ դեպքերում նշանակում են ալերգոլոգիական թեստեր (մաշկային փորձեր)։

Բուժման մեթոդներ՝

• Խոնավեցնող միջոցներ՝ ամենօրյա օգտագործման համար, նույնիսկ ռեմիսիայի փուլում
• Բորբոքամահացնող քսուքներ՝ կորտիկոստերոիդներ կամ կալցինևրինի ինհիբիտորներ
• Հակահիստամինային դեղամիջոցներ՝ քորի նվազեցման նպատակով
• Խուսափում գրգռիչներից և նուրբ մաքրող միջոցների կիրառում
• Ծանր դեպքերում՝ ֆոտոթերապիա կամ համակարգային բուժում

Բարդություններ և կանխարգելում

Քորի պատճառով մաշկի շարունակական քերծումը կարող է հանգեցնել՝

• Երկրորդային վարակների
• Մաշկի հաստացման (լիխենիֆիկացիա)

Կանխարգելիչ միջոցառումներ՝

• Կանոնավոր խոնավեցում
• Տրիգերների (պռովոկացնող գործոնների) հայտնաբերում և խուսափում
• Վաղ փուլում բուժում՝ սրացումներից խուսափելու համար

 

Ատոպիկ դերմատիտը և հղիությունը

Հղիության ընթացքում ատոպիկ դերմատիտի սրացումները կարող են ուժեղանալ կամ թուլանալ։ Տեղային միջոցներից շատերը համարվում են անվտանգ, սակայն ցանկացած դեղամիջոցի կիրառումից առաջ անհրաժեշտ է խորհրդակցել բժշկի հետ։

Ե՞րբ դիմել մաշկաբանի

• Եթե գանգատները հաճախակի են,
• Ուժեղ են,
• Չեն ենթարկվում հիմնական խնամքին
• Կամ խաթարում են քունը և կյանքի որակը։
   

 

Մաշկաբանական ծառայություններ ՎիտաՄեդ ԲԿ-ում

Մաշկաբանի առաջնային զննում, տարբերակիչ ախտորոշում, խորհրդատվություն	12000 դրամ
Քրոնիկական ընթացող մաշկային հիվանդությունների (այդ թվում և ակնեի) բուժում և դինամիկ հսկողություն 2 ամսվա ընթացքում	28000 դրամ
Դեմքի մաքրում	15 000 դրամ