Ի՞նչ է հիպոթիրեոզը

Հիպոթիրեոզը կլինիկական համախտանիշ է, որը պայմանավորված է թիրեոիդային հորմոնների դեֆիցիտով։ Այն կարող է զարգանալ հետևանքով՝

• Վահանաձև գեղձի (Վ/Գ) կողմից նրանց անբավարար արտադրության (առավել հաճախ), կամ
• Նրանց կենսաբանական ակտիվության նվազման հյուսվածքային մակարդակում (շատ հազվադեպ):

 Տարածվածություն

• Հաճախ է հանդիպում կանանց մոտ (կնոջ և տղամարդու հարաբերակցությունը՝ 10:1)
• Առավել տարածված տարիքային խումբը՝ 50–60 տարեկան
• Հաճախ հանդիպում է նաև այլ տարիքային խմբերում

 Հիպոթիրեոզի առաջացման պատճառները

Ամենահաճախ հանդիպող պատճառն է՝

• Աուտոիմուն թիրեոիդիտը, երբ օրգան-սպեցիֆիկ հակամարմինները վնասում են Վ/Գ-ի հորմոնակտիվ բջիջները՝ ճնշելով նրա ֆունկցիան։

Այլ պատճառներ՝

• Թիրեոիդէկտոմիա (վահանաձև գեղձի վիրահատական հեռացում՝ ամբողջությամբ կամ մասնակի)
• Ռադիոակտիվ յոդի թերապիա
• Թիրեոստատիկ դեղամիջոցների երկարատև ընդունում
• Վահանաձև գեղձի չարորակ ուռուցքներ կամ մետաստազներ
• Սարկոիդոզ, տուբերկուլյոզ, ամիլոիդոզ
• Ծանր յոդային անբավարարություն

Հիպոթիրեոզի ախտանիշները

Ոչ սպեցիֆիկ ախտանիշներ, որոնք հաճախ հանդիպում են․

• Ընդհանուր թուլություն
• Քնկոտություն
• Շարժումների և խոսքի դանդաղում
• Քրոնիկ հոգնածություն
• Մազաթափություն
• Մաշկի չորություն
• Քաշի ավելացում
• Վատ հիշողություն, ցրվածություն
• Դեպրեսիվ դրվագներ
• Սրտի աննորմալ աշխատանքի զգացում, հազվասրտություն
• Ախորժակի կորուստ, փորկապություն
• Դաշտանային խանգարումներ, անպտղություն
• Քնի խանգարումներ

Ինչու՞ է կարևոր թիրեոիդային հորմոնների նորմալ մակարդակը

Թիրեոիդային հորմոնների ռեցեպտորներ կան գրեթե բոլոր օրգան-համակարգերում։ Այդ հորմոնները կենսական նշանակություն ունեն․

• Նյութափոխանակության կարգավորման
• Օրգանների ֆունկցիայի պահպանման համար

Դրանց պակասի դեպքում դիտվում է․

• Նյութափոխանակության դանդաղում
• Բազմաթիվ օրգան-համակարգերի ֆունկցիոնալ խանգարումներ
• Ուշացած ախտորոշում՝ ախտանիշների ոչ սպեցիֆիկ լինելու պատճառով

Հիպոթիրեոզի ախտորոշումն ու բուժումը

Ախտորոշում

Անցկացվում է՝

• Վահանաձև գեղձի ֆունկցիայի լաբորատոր գնահատմամբ՝
• Բարձր TSH
• Նվազած կամ նորմայի սահմանում գտնվող FT4, FT3

Բուժում

• Հիմքն է փոխարինող հորմոնալ թերապիան՝ Նատրիումի Լևոթիրոքսինով
• Դեղաչափը և վերահսկողությունը սահմանում է էնդոկրինոլոգը

Սաթենիկ Մովսիսյան, Էնդոկրինոլոգ

Սաթենիկ Մովսիսյան

 

Կրթություն

•   1997-2007թթ․ Արմավիրի մարզի Մեծամոր քաղաքի Գրիգոր Նարեկացու անվան թիվ 1 միջնակարգ դպրոց
•   1998-2005թթ․ Արմավիրի մարզի Մեծամոր քաղաքի Շառլ Ազնավուրի անվան արվեստի դպրոցի դաշնամուրային բաժին
•   2007-2012թթ․ Երևանի Մ․ Հերացու անվան պետական բժշկական համալսարանի ընդհանուր բժշկության ֆակուլտետի բակալավրիատ
•   2012-2015թթ․ Երևանի Մ․ Հերացու անվան պետական բժշկական համալսարանի ընդհանուր բժշկության ֆակուլտետի մագիստրատուրա
•   2015-2018թթ․ Երևանի Մ․ Հերացու անվան պետական բժշկական համալսարանի կլինիկական օրդինատուրա «Մանկական Էնդոկրինոլոգիա» մասնագիտությամբ

 

Աշխատանքային փորձ

 

• 02․2019թ. - 10․2019թ. «Արմենիա» ՀԲԿ, բժիշկ-էնդոկրինոլոգ
• 10․2019թ. մինչ օրս «Կարդիոլայֆ» ԲԿ, բժիշկ-էնդոկրինոլոգ
• 01․2023թ. մինչ օրս «ՎիտաՄեդ» ԲԿ, բժիշկ-էնդոկրինոլոգ

 

Վերապատրաստում

 

• 12․11․2018թ. - 28․12․2018թ․ կատարելագործման դասընթաց «Կլինիկական էնդոկրինոլոգիայի ժամանակակից հարցեր» թեմայով (Էնդոկրինոլոգների և մանկական էնդոկրինոլոգների համար)
• 25.11.2024թ. - 06.12.2024թ. «Դիետոլոգիայի և նուտրիցիոլոգիայի արդի խնդիրներ» թեմայով

Գրանցվել